“Соёлын сэргэлт 2023” аяныг Хүүхдийн төв номын сангийн хэлтсийн эрхлэгч Л.Батболор нар нээж үг хэллээ.

Нээлтийн үйл ажиллагааны хүрээнд Сэлэнгэ сумын дуучин МУСТА Г.Батдорж, Бугат сумын дуучин, хөтлөгч А.Мижиддорж нар ая дууны мэндчилгээ дэвшүүлж Соёлын төвийн дэргэдэх дугуйлангийн авъяаслаг сурагчдын тоглолтыг нутгийн иргэд хүүхэд багачуудад толилууллаа.

Тус арга хэмжээнд С.Удвалын нэрэмжит Ерөнхий боловсролын сургуулийн 11а ангийн сурагч Б.Дэлгэрмаа, 7а ангийн сурагч Б.Тэнүүн, 1а ангийн сурагч С.Оюун-эрдэнэ нар “Тэргүүний уншигч – Д.Нацагдоржийн” тэмдэг үнэмлэхээр шагнагдлаа.

Сургалт:

Хүүхдийн төв номын сангийн хэлтсийн эрхлэгч Л.Батболор “Бүх нийтийн соёлын боловсрол”, “Мөрөөдөлдөө хэрхэн хүрэх вэ”, ХТНС-ийн номын санч Г.Дарьсүрэн “Усны амьдралын эх булаг”, “Уншигч гэр бүл бүл” сэдвээр тус тус сургалт зохион байгууллаа.

ҮЗЭСГЭЛЭН АРГА ХЭМЖЭЭ:

“Бурхан Халдун виртуал аялал” VR үзэсгэлэн, Булган аймгийн “Түүхэн дурсгалт газрууд” VR үзэсгэлэн, Бүтээлч урлан (Чулуун дээрх зураг), Зөөврийн номын сан, хэл зүгшрүүлэх Түргэн хэллэгийн уралдаан, Модон морины уралдаан зэрэг тэмцээнүүд зохион байгууллаа.